Հունաստանում բնակվող ՀՀ քաղաքացիների ուշադրությանը

06 ապրիլի, 2020

Կորոնավիրուսի տարածման բացասական հետևանքները կրճատելու նպատակով Հունաստանի միգրացիայի և ապաստանի նախարարի հրամանով երկարաձգվում են

1. Համաձայն թիվ 4251/2014 օրենքի և Նախագահի թիվ 106/2007

որոշման տրված բնակության թույլտվությունները, որոնց ժամկետը լրացել է 11.02.2020թ.-11.03.2020թ. ընկած ժամանակահատվածում, ինչպես նաև այն բնակության թույլտվությունները, որոնց ժամկետը լրանում է 12.03.2020թ.-12.05.2020թ. ընկած ժամականահատվածում, կարող են երկարաձգվել մինչև 5 ամիս ժամկետով, սկսած դրանց ժամկետը ավարտվելու ամսաթվից մինչև 12.10.2020թ., առանց երկարաձգման վերաբերյալ նոր որոշում կայացնելու:

2. Համաձայն 4251/2014 օրենքի 8 և 9 հոդվածների, բնակության թույլտվություն ստանալու համար դիմած քաղաքացիներին տրամադրված տեղեկանքները (“A” կարգի կապույտ տեղեկանքները), որոնց ժամկետը լրացել է մինչև 2020թ. մարտի 12-ը, ինչպես նաև այն տեղեկանքները, որոնց ժամկետը լրանում է 13.03.2020թ,-12.05.2020թ. ընկած ժամանակահատվածում կարող են երկարաձգվել մինչև 12.10.2020թ., առանց համապատասխան հավաստիացնող փաստաթուղթ տրամադրելու:

3. 1-ին և 2-րդ կետերում նշված բնակության թույլտվությունները, լրանալու ժամկետից մինչև դրանց երկարաձգման համար դիմելու ամսաթիվը, համարվում են պաշտոնապես երկարաձգված:

4. Այն քաղաքացիները, որոնք պարտավոր էին 12.03.2020թ.-ից մինչև 10.04.2020թ. ընկած ժամանակահատվածում դիմել առաջին անգամ բնակության թույլտվություն ստանալու համար՝ հիմք ընդունելով իրենց մուտքի վիզան, կարող են դիմում ներկայացնել մինչև 10.05.2020թ.:

Հրամանի բնօրինակին կարող եք ծանոթանալ հետևյալ կայքում. http://www.immigration.gov.gr

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր